Kampioni i Evropës dhe Spanjës është kualifikuar në finale të Kupës së Botës.

Real Madridi ka siguruar fitore mbrëmjen e sotme (e mërkurë) ndaj skuadrës Al Jazira në takimin e zhvilluar në kuadër të gjysmëfinales për Kupë të Botës për Klube në stadiumin Abu Dhabi, shkruan portali arbresh.info.

Ndeshja përfundoi me rezultat të ngushtë 1 me 2.

https://twitter.com/realmadriden/status/941018409285902337

Skuadra e Zinedine Zidane u befasua në pjesën e parë kur sulmuesi brazilian Romario Da Silva kaloi skuadrën e tij në epërsi pas golit të anuluar të Casemiros nga teknologjia VAR. Megjithatë, ‘Los Blancos’ u kthyen në pjesën e dytë duke barazuar rezultatin përmes Cristiano Ronaldos në minutën e 53′ të ndeshjes.

Pas asistimit nga Luka Modric, fituesi pesëfishtë i Topit të Artë mposhti portierin Ali Khaseif duke shënuar një gol të bukur për 1 me 1.

Goli i dytë dhe i fitores erdhi nga Gareth Bale, i cili realizoi menjëherë pas inkuadrimit në fushë. Si një zëvendësues i Karim Benzemas, reprezentuesi uellian realizoi në prekjen e parë për 1 me 2.

Finalja e Kupës së Botës për Klube nga FIFA zhvillohet të shtunën./arbresh.info/

Shikoni golat e realizuara në këtë ndeshje:

https://streamable.com/h6hde